"მიმდინარეობს ისევ სამუშაოები... რამდენიმე საათი დასჭირდება პორტალის დაბრუნებას" - თამარ გაბუნია booking.moh.gov.ge-ზე
გამოქვეყნდა:
ჯანდაცვის მინისტრის მოადგილე თამარ გაბუნია იმედოვნებს, რომ ხვალისთვის პრობლემა აღმოიფხვრება და მოქალაქეები პორტალზე დარეგისტრირებას შეძლებენ.
"მიმდინარეობს ისევ სამუშაოები, გვითხრეს, რომ რამდენიმე საათი დასჭირდება პროცესის შესწორებას და იმას, რომ დაბრუნდეს პორტალი სამუშაო რეჟიმში",- ამბობს თამარ გაბუნია.
შეგახსენებთ, რომ ვაქცინაციის პორტალი booking.moh.gov.ge, სადაც მოქალაქეებისთვის ბაზა 12:00 საათზე უნდა გახსნილიყო, ამ დრომდე გამორთულია. ჯანდაცვის სამინისტროს ვებგვერდი StopCov.ge კი 4 საათიანი შეფერხების შემდეგ განახლდა.
საკითხთან დაკავშირებით დღეს ჯანდაცვის სამინისტრომ ბრიფინგზე მხოლოდ მისთვის სასურველი მედია მიიწვია და თქვა, რომ საიტზე მასირებული კიბერშეტევა მიმდინარეობს.
ავტორი:ზურა პეტროსიანი
ამავე თემაზე:
- booking.moh.gov.ge გათიშულია - მოქალაქეები ვაქცინაზე ვერ რეგისტრირდებიან
- Covid-19-ის დღევანდელი სტატისტიკა არ განახლებულა - ბაზაში შეფერხებაა
- საიტზე მასირებული კიბერშეტევა მიმდინარეობს - გაბუნია booking.moh.gov.ge-ზე
