ნინოწმინდის პარკში მიწები ხელისუფლებასთან კავშირში მყოფმა პირებმა გაიფორმეს - TI

"საერთაშორისო გამჭვირვალობა საქართველოს" ინფორამციით, ნინოწმინდის ცენტრალურ პარკში მიწები ხელისუფლებასთან კავშირში ყოფმა პირებმა საკუთრებაში გაიფორმეს. არასამთავრობო ამბობს, რომ პარკი საჯარო სივრცეს წარმოადგენდა, თუმცა ის ნაბიჯ-ნაბიჯ კერძო საკუთრება გახდა. 

2 840 კვ.მ. მიწის მფლობელები ადგილბრივი თვითმართველობის მოქმედი და ყოფილი მაღალჩინოსნები, ასევე, მათი ოჯახის წევრები და მათთან დაახლოებული პრიები გახდნენ. მიწა დაისაკუთრებს იმ კომპანიების წარმომადგენლებმაც, რომლებთანაც პირდაპირ შესყიდვებსმრავალი წლის განმავლობაში, მხოლოდ ნინოწმინდის მერია და მისი იურიდიული პირები აფორმებენ. 

ნინოწმინდის პარკში, რომლის საერთო ფართობიც, დაახლოებით 20 000 კვადრატული მეტრია, ნინოწმინდის მერიას რეგისტრირებული 16 907 კვ.მ ფართობი აქვს, დანარჩენი კი კერძო მესაკუთრეებზე არის დანაწევრებული. უფრო კონკრეტულად:

• ნინოწმინდის საკრებულოს თავმჯდომარის მოადგილეს, კონსტანტინ ვარდანიანს 2015 წლიდან პარკში  100 კვ.მ. სახნავ-სათესი ფართობი საკუთრებაში აქვს რეგისტრირებული.
• ნინოწმინიდს მერის წარმომადგენელი, ხორენ მღდესიანის ძმა, დედა და მამა 2018 წლის თებერვლიდან ქალაქის პარკში 1 650 კვ.მ. მიწის ნაკვეთს ფლობენ.
• პარკში 2014 წლის იანვრიდან, სახნავ-სათესი ფართობი, საერთო მოცულობით 300 კვ.მ. თაკუჰი ვარტანიანს აქვს გაფორმებული. მისი ძმა, მუშეღ ვარდანიანი, ნინოწმინდის მუნიციპალიტეტის 2010-2014 წლების მოწვევის საკრებულოში "სოციალურ-ეკონომიკური განვითარების და ინფრასტრუქტურის" ფრაქციის თავმჯდომარე იყო.
• 2013 წლის თებერვალში  არასასოფლო-სამეურნეო 100 კვ.მ. ფართობი ნინოწმინდის მუნიციპალიტეტის ყოფილი გამგებლის, გაგიკ კარსლიანის დედამ, რესპიკ კარსლიანმა გაიფორმა. ამავე წლის ივნისში ნაკვეთი რესპიკ კარსლიანმა გაგიკ კარსლიანის მეუღლეს, დეხცანიკ კარსლიანს აჩუქა.
• 2016 წლის 12 აგვისტოს ნინოწმინდის პარკში არასასოფლო-სამურნეო 370 კვ.მ. ფართობი ერთ-ერთმა ადგილობრივმა ჰასმიკ იორდანიანმა გაიფორმა. ზუსტად ერთ თვეში, 13 სექტემბერს, იორდანიანმა აღნიშნული ნაკვეთი ნინოწმინდის მაშინდელი მერის გაგიკ კარსლიანის ცოლის დის შვილს, ადამ გიულასარიანს მიჰყიდა.
• კიდევ ერთ არასასოფლო-სამეურნეო ნაკვეთს, 250 კვ.მ. ფართობს ნინოწმინდის პარკში "ქართული ოცნების" ყოფილი მაჟორიტარი დეპუტატის ენზელ მკოიანის ოჯახის კომპანიის, შპს მეეკის დირექტორი, ასევე, ენზელ მკოიანის შვილის კარაპეტ მკოიანის შპს დეკმაკის ყოფილი პარტნიორი ( 9% წილის მფლობელი), პეტროს ნანაიანი ფლობს. მან აღნიშნული ნაკვეთი 2015 წლის დეკემბერში გაიფორმა.

TI აცხადებს, რომ მას შემდეგ, რაც ნინოწმინდის პარკის პრივატიზების საკითხით დაინტერესდნენ, ფინანსთა სამინისტროს საგამოძიებო სამსახურმა ნინოწმინდის მუნიციპალიტეტის ყოფილი გამგებელი გაგიკ კარსლიანი, მისი ცოლის და ლუსიკ გიულასარიანი, რომელმაც ნახაზები შეადგინა,  და ნინოწმინდის პარკში 4 ნაკვეთის, ჯამში 308 კვ.მ. მფლობელი შაჰენ გრიგორიანი სისხლის სამართლის პასუხისგებაში მისცა. 

22 ივნისს, საჯარო რეესტრის ეროვნული სააგენტოდან მიღებული მეორე წერილით ირკვევა, რომ საჯარო რეესტრში აღნიშნულ მიწების საკუთრებაში რეგისტრირებისას თან ერთვოდა ნინოწმინდის მუნიციპალიტეტის მერიიდან გაცემული შესაბამისი ცნობები. აღსანიშნავია, რომ ზემოთ ნახსენები 7 ნაკვეთიდან 5 სწორედ იმ დროს დარეგისტრირდა საკუთრებაში, როცა ნინოწმინდის მერის პოზიცია გაგიკ კარსლიანს ეკავა.