მთავრობამ ბანაკის ტიპის შეკრებები აკრძალა - ჯაფარიძე ამ ფორმის ყრილობას მართავს
გამოქვეყნდა:
მას შემდეგ, რაც მთავრობამ ბანაკის ტიპის შეკრება აკრძალა "გირჩი-მეტი თავისუფლების" ლიდერმა, ზურა ჯაფარიძემ ამ ტიპის პარტიის ყრილობა დააანონსა. ამის შესახებ მან Facebook-ზე დაწერა და მსურველები ზემო სვანეთში დაპატიჟა.
პარტია წერს, რომ ბანაკის თემა "მთები და თავისუფლებაა" და ის 26-31 ივლისს გაიმართება.
"გავერთობით, ვილაპარაკებთ, ვიკამათებთ, ვიდებატებთ. დებატებში მე დავიცავ სხვადასხვა იდეოლოგიურ პოზიციებს, ნებისმიერს გარდა კლასიკური ლიბერალიზმისა", - წერს ზურა ჯაფარიძე.
შეგახსენებთ, რომ გუშინდელი გადაწყვეტილების შემდეგ მთავრობა კორონავირუსის გამო ქვეყანაში ახალ აკრძალვებს და რეგულაციებს აწესებს. კერძოდ:
- ტრენინგებზე, კონფერენციებსა და სემინარებზე მონაწილეთა დასწრება მხოლოდ წინასწარი PCR ტესტირების საფუძველზე იქნება დასაშვები.
- იკრძალება ბანაკის ტიპის შეკრებები, მათი ორგანიზაციული ფორმისა და ჩატარების ადგილის მიუხედავად.
- 18 წლამდე ასაკის მოზარდების სპორტული ტურნირებისა და სასწავლო-საწვრთნელი შეკრებების ჩატარება დასაშვები იქნება მხოლოდ ყველა მონაწილის წინასწარი PCR ტესტირების საფუძველზე.
