გაჩუმდით და წადით! - ასე მიმართავს "მთავარი არხის" გენერალური დირექტორი ნიკა გვარამია "ოცნების" ხელისუფლებას რუსთაველის გამზირზე მიმდინარე აქციიდან.
იქნებ ვინმეს ეგონა, რომ "მთავარი არხი" აქ არ გამოჩნდებოდა. ან იქნებ ვინმეს ეგონა, რომ მე აღარ ვიყავი "მთავარი არხი" და აქ აღარ გამოვჩნდებოდი. ვინ არ გამოჩნდება ძალიან მალე, ვის წინაშე დაიხურება ყველა კარი, ეს არის საქართველოს დღევანდელი მთავრობა და მისი პრემიერი ღარიბაშვილი. რამდენიც არ უნდა იაროთ ეკლესია-ეკლესია, კარდაკარ, ორკების ოფისებში, რამდენიც არ უნდა ილაპარაკოთ, რაც უფრო მეტს ამბობთ, მით უფრო ეფლობით ჭაობში. გაჩუმდით და წადით!, - ამბობს ნიკა გვარამია.
