ცესკო-ს თავმჯდომარედ გიორგი კალანდარიშვილი დაამტკიცეს - პარლამენტმა წევრები აირჩია
გამოქვეყნდა:
პარლამენტმა ცენტრალური საარჩევნო კომისიის თავმჯდომარედ გიორგი კალანდარიშვილი აირჩია. კენჭისყრა რიგგარეშე სხდომაზე ცოტა ხნის წინ ჩატარდა.
კალანდარიშვილს მხარი 83-მა დეპუტატმა დაუჭირა, 3 კი წინააღმდეგი იყო.
რაც შეეხება მეორე კანდიდატურას - გიორგი სანტურიანს, მას მხარი 4-მა დეპუტატმა დაუჭირა, ერთი კი წინააღმდეგი იყო.
კალანდარიშვილი 6 თვის ვადით აირჩიეს. რაც შეეხება ცესკოს წევრობის კანდიდატებს, შედეგები შემდეგნაირად გადანაწილდა:
- გია ცაცაშვილი - 81 მომხრე, 3 წინააღმდეგი - არჩეულ იქნა
- ლელა ტალიური - 8 მომხრე, 2 წინააღმდეგი;
- თამარ სართანია - 8 მომხრე, 1 წინააღმდეგი;
- მაია ზარიძე - 81 მომხრე, 1 წინააღმდეგი.
ცნობისთვის, საკითხს კენჭი პარლამენტმა უკვე მეოთხედ უყარა.
