ომბუდსმენმა ბაკიხანოვის საქმის შესწავლა დაიწყო

ომბუდსმენმა ბაკიხანოვის საქმის შესწავლა დაიწყო. ინფორმაციას სახალხო დამცველის აპარატი ავრცელებს. მათ განცხადებას უცვლელად გთავაზობთ:

თბილისში მცხოვრები აზერბაიჯანელი ბლოგერის ჰუსეინ ბაკიხანოვის გარდაცვალებასთან დაკავშირებით, სახალხო დამცველის აპარატი აცხადებს, რომ ბაკიხანოვთან აპარატის წარმომადგენლებს 2-ჯერ ქონდათ კომუნიკაცია, პირველად ივნისში როცა მას განემარტა საერთაშორისო დაცვის სტატუსის მოპოვების პროცედურები, ასევე მიეთითა ის ორგანიზაციები, რომლებიც მსგავს შემთხვევებში პირებს უფასო იურიდულ დახმარებას უწევენ.

 მეორე კომუნიკაცია 14 ივლისს - სწორედ მისი გარდაცვალების დღეს შედგა. საუბარი შეეხო ბლოგერის მიმართ ძალადობის ფაქტს და ამ შემთხვევაშიც, სახალხო დამცველის აპარატის მხრიდან მას სამართლებრივი დახმარების გამწევი ორგანიზაციების საკონტაქტო ინფორმაცია გაუზიარეს, ასევე განუმარტეს აპარატის მანდატი და შესთავაზეს, რომ იმ შემთხვევაში თუ სამართალდამცავი ორგანოები დაარღვევდნენ მის უფლებებს, შეეძლო განცხადებით მოემართა.

 სახალხო დამცველის აპარატმა ჰუსეინ ბაკიხანოვის გარდაცვალების საქმის შესწავლა დაიწყო, - წერს ომბუდსმენი.

იხილეთ ასევე:

• რა ვითარებაში გარდაიცვალა აზერბაიჯანელი ბლოგერი | ახალი დეტალები ბაკიხანოვის საქმეში
• "დღეს 5 ადამიანი დამესხა თავს... არ მჯერა, რომ ეს შემთხვევითობაა" | ბაკიხანოვის ვიდეომიმართვა გარდაცვალებამდე 2 დღით ადრე
• აზერბაიჯანელი ბლოგერის იდუმალი გარდაცვალება | სად არის ბაკიხანოვის ტელეფონი და რა კავშირშია საქმესთან აზერბაიჯანის ხელისუფლება