51%: საქართველოში დემოკრატია არაა - NDI -ს კვლევა არჩევნებამდე 2 თვით ადრე
გამოქვეყნდა:
NDI-ს ახალი კვლევის თანახმად გამოკითხულთა 51% ამბობს, რომ საქართველოში დემოკრატია არაა.
კითხვაზე - თქვენი აზრით, საქართველოში ამჟამად არის დემოკრატია? პასუხები შემდეგნაირად განაწილდა:
- არა - 51%
- დიახ - 35%
- არ ვიცი - 13%
- უარი პასუხზე - 1%
კვლევის მიხედვით, გამოკითხულთა შორის "ქართული ოცნების" მხარდამჭერების (18%) 69% ამბობს, რომ ქვეყანაში დემოკრატიაა, 20% კი პირიქით ფიქრობს.
ოპოზიციის მხარდამჭერთაგან (12%) 72% ამბობს, რომ ქვეყანაში დემოკრატია არაა, პირიქით კი მხოლოდ 21% ფიქრობს.
გამოკითხულთა იმ ნაწილში, რომლებმაც პარტია არ დაასახელეს პასუხები შემდეგნაირად გადანაწილდა - 56% ფიქრობს, რომ დემოკრატია არაა, 28% - პირიქით.
კვლევა 13-25 ივლისის პერიოდში საქართველოს მასშტაბით 2,016 სატელეფონო ინტერვიუს გზით ჩატარდა.
გამოკითხვის საშუალო ცდომილების ზღვარი არის +/- 1.3 პროცენტი. რესპონდენტები შემთხვევით ნომერზე დარეკვის მეთოდით შეირჩნენ.
