ავღანეთში თალიბანის დაჯგუფების საწინააღმდეგო აქციაზე სულ მცირე, 3 ადამიანი დაიღუპა
გამოქვეყნდა:
ავღანეთში, ქალაქ ჯალალაბადში თალიბანის დაჯგუფების საწინააღმდეგო პროტესტზე, სულ მცირე სამი ადამიანი დაიღუპა, ათობით პირი კი დაშავდა. ინფორმაციას Reuters წყაროზე დაყრდნობით ავრცელებს. გამოცემის ცნობით, თალიბანის დაჯგუფების წევრებმა ცეცხლი საპროტესტო აქციის მონაწილეების წინააღმდეგ მაშინ გახსნეს, როცა აქციის წევრები ქალაქში ეროვნული დროშის აღმართვას ცდილობდნენ.
