ვის რა აზრი აქვს, არანაირი მნიშვნელობა არ აქვს, არის 728 დადასტურებული შემთხვევა, დამთავრდა - ასე პასუხოვს ინფექციური საავადმყოფოს კლინიკური დირექტორი მარინა ეზუგბაია სომხეთის ჯანდაცვის მინისტრს.
ეზუგბაია ამბობს, რომ ფაქტები არ იმალება და ყველა მონაცემი სწორია.
ჭეშმარიტება ერთია - არის 728 დადასტურებული პაციენტი, ფაქტების დამალვას აზრი არ აქვს, ამიტომ აი, აქ ლაპარაკს, ვის რა აზრი აქვს, არანაირი მნიშვნელობა არ აქვს. არის 728 დადასტურებული შემთხვევა, დამთავრდა! ამას არ სჭირდება კომენტარები, - ამბობს ეზუგბაია.
სომხეთის ჯანდაცვის მინისტრს, არსენ ტოროსიანს საქართველოში კორინავირუსის გავრცელების სტატისტიკურ მონაცემებში ეჭვი ეპარება.
რაც შეეხება საქართველოში კორონავირუსით ინფიცირებულთა რაოდენობას - დღეისათვის მათი რიცხვი ხუთით გაიზარდა, გამოჯანმრთელებულების კი - 14-ით.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს დაფიქსირდა.
