"მესამე ძალის" თბილისის მერობის კანდიდატი თამარ კეკენაძე იქნება - მაჟორიტარების სრული სია
გამოქვეყნდა:
"მესამე ძალა - სტრატეგია აღმაშენებლის" თავმჯდომარემ, გიორგი ვაშაძემ თბილისის მერობის, საკრებულოს თავმჯდომარეობისა და მაჟორიტარობის კანდიდატები წარადგინა.
პარტიიდან თბილისის მერობისთვის თამარ კეკენაძე იბრძოლებს, ხოლო საკრებულოს თავმჯდომარეობისთვის სერგო ჩიხლაძე. ჩიხლაძე ამავდროულად საბურთალოს მაჟორიტარობის კანდიდატიც იქნება.
რაც შეეხება დანარჩენ მაჟორიტარობის კანდიდატებს, სია ასეთია:
- კრწანისის - დავით ცეკვავა
- ისანი - თეონა ჭალიძე
- გლდანი - ნანა ტოხვაძე
- დიდუბე - ოთარ ბაღათურია
- სამგორი - ვახტანგ იაშვილი
- ვაკე - პაატა ჩიქოვანი
- მთაწმინდა - ირაკლი გოგუაძე
- ჩუღურეთი - ავთანდილ ჩართოვანი
- ნაძალადევი - ზაზა კორხონჯია
ცნობისთვის, "ქართული ოცნებიდან" თბილისის მერობისთვის კახი კალაძე იბრძვის, ოპოზიციის კანდიდატი ნიკა მელიაა. გუშინ ცნობილი გახდა, რომ "საქართველოსთვის" ლიდერი, გიორგი გახარიაც ამავე თანამდებობისთვის ბრძოლაში ერთვება. საკუთარი მერობის კანდიდატი ჰყავს დასახელებული "ლელოსაც" - ანა ბიბილაშვილი.
საქართველოში თვითმართველობის არჩევნები 2 ოქტომბერს გაიმართება.
