რატომ უნდა მოვუსმინო? ვინ ხარ შენ? ჩემი უფროსი ხარ? - ღარიბაშვილი ჟურნალისტს
გამოქვეყნდა:
რატომ უნდა მოვუსმინო? ვინ ხარ შენ? ჩემი უფროსი ხარ? - ასე მიმართა პრემიერმინისტრმა, ირაკლი ღარიბაშვილმა ჟურნალისტს.
ჟურნალისტის კითხვა, ოლიმპიური ჩემპიონის, ლაშა ბექაურის მართვის მოწმობას შეეხებოდა, კერძოდ მან ღარიბაშვილს ჰკითხა - აჩუქა თუ არა ბექაურს მართვის მოწმობა. ღარიბაშვილმა მომხდარს ტყუილი უწოდა, ჟურნალისტმა მას ფაქტის დასადასტურებლად სატელეფონო ჩანაწერის მოსმენა სთხოვა, რამაც პრემიერი გააღიზიანა:
"არ მიჩუქებია, ტყუილია. შემდეგი საკითხი...პროვოკაციაა, მიბრძანდით აქედან... მიბრძანდით..რატომ უნდა მოვუსმინო? ვინ ხარ შენ? ჩემი უფროსი ხარ?",- უთხრა ღარიბაშვილმა ჟურნალისტს.
ცნობისთვის, რამდენიმე დღის წინ ღარიბაშვილმა თქვა, რომ მისი უფროსი არც ევროპარლამენტარები არ არიან.
