5 მილიონი უკვე გადახდილია მშენებლობაში, რომელიც 4 თვეზე მეტია მიტოვებულია - ხაბეიშვილი
გამოქვეყნდა:
თანხების ფლანგვა თბილისის მერიაში - 11-მილიონიანი მულტიფუნქციური კომპლექსი, რომელიც 2020 წელს უნდა დასრულებულიყო, ახლა ნაგავსაყრელად არის ქცეული.
თბილისის მერმა სამშენებლო კომპანია "ალიანსს" კომპლექსის ასაშენებლად 5 მილიონი გადაუხადა, თუმცა სამუშაო ხელშეკრულების შეწყვეტის გამო მოსახლეობამ შეპირებული ობიექტი ვერ მიიღო.
"5 მილიონი ლარი უკვე გადახდილია მშენებლობაში, რომელიც 4 თვეზე მეტია, მიტოვებულია. კომპლექსის ნაცვლად, მხოლოდ ბეტონის კონსტრუქციები გვაქვს. 2 წლის განმავლობაში როგორ მოხდა, რომ ეს ერთი კომპლექსი ვერ დაასრულეს. ვინ აგებს პასუხს, გამქრალ მილიონობით ლარზე, რომელიც ჩვენს მოსახლეობას მოპარა ოფიციალურად კახი კალაძემ?",- ამბობს ლევან ხაბეიშვილი "ნაციონალური მოძრაობის" წევრი.
ფაქტს ჯერ მერიაში გამოხმაურება არ მოჰყოლია.
