"ქართული ოცნების" დეპუტატს, დავით სერგეენკოს არ აქვს შეგრძნება, რომ უსმენენ და "უნდა სჯეროდეს", რომ მოსმენები ქვეყანაში მხოლოდ სასამართლოს გადაწყვეტილებით, კანონიერად და ქვეყნის უსაფრთხოების ინტერესებით ხდება
"ნამდვილად მინდა მჯეროდეს, რომ მოსმენები ლეგალურია და არის სასამართლო გადაწყვეტილებით დასაბუთებულ შემთხვევვაში, როცა ქვეყნის უსაფრთხოებას ექმნება საფრთხე. რაც შეეხება იმას, მე მაქვს თუ არა შეგრძნება, რომ მისმენენ - ეს შეგრძნება არ მაქვს",- ამბობს დავით სერგეენკო.
ცნობისთვის, ინტერნეტსივრცეში ფარული მიყურადების შესახებ მორიგი ინფორმაცია გავრცელდა. დოკუმენტებში, რომელსაც სავარაუდოდ, სუს-ის ყოფილი თანამშრომელი ავრცელებს, პირდაპირ არის აღწერილი კონკრეტული ადამიანების პირადი ცხოვრება. განსაკუთრებული აქცენტია გაკეთებული მაღალი იერარქიის სასულიერო პირების სექსუალური ორიენტაციისა და მათი წარსულის შესახებ.
