პეკინის ზამთრის ოლიმპიადაზე დასწრების უფლება მხოლოდ ჩინეთში მცხოვრებ მოსახლეობას ექნება და მას უცხო ქვეყნებიდან ჩასული გულშემატკივრები ვერ დაესწრებიან, - ინფორმაცია საერთაშორისო ოლიმპიურ კომიტეტზე დაყრდნობით უცხოურ მედიაში ვრცელდება.
ცნობილი ხდება ისიც, რომ დედაქალაქში ჩასულ ოლიმპიადის აუცრელ მონაწილეებს 21-დღიანი კარანტინის გავლა მოუწევთ.
საერთაშორისო ოლიმპიური კომიტეტის განცხადებით, ოლიმპიადის ყველა ადგილობრივ და საერთაშორისო მონაწილეს, ასევე სისტემაში დასაქმებულ ყველა ადამიანს, კორონავირუსზე ტესტი ყოველდღიურად ჩაუტარდება.
პეკინის ზამთრის ოლიმპიადა 2022 წლის 4 თებერვალს გაიხსნება და 16 დღის განმავლობაში გაგრძელდება.
