თითქმის 20-თვიანი პაუზის შემდეგ, KHIDI საპილოტე ღონისძიებას უმასპინძლებს

გამოქვეყნდა:

თითქმის 20 თვიანი პაუზის შემდეგ კლუბი KHIDI 8 ოქტომბერს საპილოტე ღონისძიებით ბრუნდება. 16-საათიან ღონისძიებაზე კლუბის რეზიდენტები და თბილისური სცენის ახალი ტალღის წარმომადგენლები დაუკრავენ.

ღონისძიება სახელად OPEN CULTURE: KHIDI კვლევითი ხასიათის პროექტია. ღონისძიების მიზანია დახურულ სივრცეში კორონავირუსის გავრცელების რისკები შეაფასოს და მისით სამოქმედო გეგმა შექმნას, რომელიც საკლუბო და საფესტივალო ინდუსტრიას აღდგენაში დაეხმარება.

ღონისძიებაზე დასწრება შეეძლებათ:

  • სრულად ვაქცინირებულ პირებს (მეორე აცრიდან 2 კვირის შემდეგ).
  • ბოლო 6 თვის მანძილზე კოვიდგადატანილ პირებს.
  • ბოლო 48 საათის განმავლობაში ჩატარებული PCR ტესტის უარყოფითი პასუხების მქონე პირებს.

"8 ოქტომბერს, სტუმართა ჯანმრთელობის მდგომარეობის პრევენციული შემოწმების მიზნით გამოყენებული იქნება სპეციალური აპლიკაცია, რომელიც სტუმრების კოვიდსტატუსის იდენტიფიცირებას უზრუნველყოფს. სტატუსის შესამოწმებლად გაიარეთ რეგისტრაცია ვებ-გვერდზე: https://covidpass.moh.gov.ge/ და მიიღეთ უნიკალური ბარკოდი", - წერენ ორგანიზატორები.

საპილოტე ღონისძიებაზე დასწრება შესაძლებელია სამი სავალდებულო დოკუმენტის წარდგენის შემთხვევაში:

  • https://covidpass.moh.gov.ge/-ზე წინასწარ გენერირებული უნიკალური ბარკოდი.
  • ღონისძიების ონლაინ ბილეთი.
  • პირადობის დამადასტურებელი მოწმობა.

ორგანიზატორები მსურველებს აფრთხილებენ, რომ ტესტირება ადგილზე არ კეთდება, ღონისძიებაზე არ დაიშვებიან:

  • ანტიგენის სწრაფი ტესტის უარყოფითი პასუხის მქონე პირები.
  • არ მიიღება წინასწარი ტესტირების ან ვაქცინაციის დამადასტურებელი დოკუმენტის ბეჭდური ვერსია.

საპილოტე ღონისძიებაზე დამსწრე პირი ონლაინ ბილეთის შეძენის დროს პერსონალური მონაცემების გაზიარებით ავტომატურად ეთანხმება კვლევაში მონაწილეობის წესებს და პირობებს.

მომხამრებელს 2 ბილეთის შეძენის საშუალება ექნება. კარზე მოქმედებს Face და Age კონტროლი.

მთავარი 12:00
უყურეთ ბოლო გამოშვებას

იხილეთ ჩვენს ეთერში

დღის მთავარი