ფოთის პორტში 2021 წლის 28 სექტემბერს დღის მეორე ნახევარში უკრაინიდან, "ჩერნომორსკის" პორტიდან შემოვიდა ბორანი, სახელწოდებით "ვილნიუსი". სწორედ ამ ბორანზე, ერთ-ერთ სატვირთო კონტეინერში იმყოფებოდა საქართველოს მესამე პრეზიდენტი.
მანქანამ პორტში შემოწმება გაიარა. პორტის თანამშრომლებმა სატვირთოს ვიზუალური დათვალიერებით ხარვეზი ვერ ნახეს და დაადასტურეს რომ მაცივარ-მისაბმელის ლუქი დარღვეული არ იყო.
თუ სატვირთომ ყველა შემოწმება გაიარა და ხარვეზი არსად იყო, მაშინ როგორ შემოვიდა მიხეილ სააკაშვილი ქვეყანაში? ამ კითხვაზე პასუხი ჯერჯერობით არ არსებობს.
მესამე პრეზიდენტი ქვეყანაში შემოსვლიდან რამდენიმე საათში, 29 სექტემბერს ღამით ფოთიდან მამა-შვილი წოწორიების მანქანით აბაშის რაიონის სოფელ ტყვირში ჩავიდა, მათთან ერთად იმყოფებოდა სატვირთოს მძღოლი, ელგუჯა ცომაიაც. ზურაბ და შალვა წოწორიებმა სააკაშვილი და ცომაია, ამ უკანასკნელის სახლთან დატოვეს და კვლავ უკან, ფოთში დაბრუნდნენ.
თუმცა მანამდე მიხეილ სააკაშვილმა დასავლეთ საქართველოს ერთ-ერთ ტყეში ვიდეო ჩაწერა და ახსნა რატომ აირჩია ქვეყანაში შემოსვლისთვის რთული გზა.
სოფელი ტყვირში მიხეილ სააკაშვილმა მიიღო გადაწყვეტილება, რომ 8 წლიანი დევნის შემდეგ მას მისთვის ერთ-ერთი ყველაზე საყვარელი ქალაქი უნდა დაეთვალიერებინა.
მთელი ღამის განმავლობაში მიხეილ სააკაშვილი ბათუმის ქუჩებში ხან მანქანით და ხანაც ფეხით გადაადგილდებოდა. მოიარა მთელი ქალაქი და ახალ ბათუმში ახალი ვიდეოს ჩასაწერად გაჩერდა. აქ არდაგანის ტბის მიმდებარედ მეორე ვიდეო ჩაწერა. ორივე ვიდეო მიხეილ სააკაშვილმა 1 ოქტომბერს ჩაწერა და მოქალაქეებს არჩევნებში აქტიურობისაკენ მოუწოდა.
ბათუმიდან მესამე პრეზიდენტი მანქანით აღმოსავლეთ საქართველოსკენ გაემართა. გაჩერდა ზუგდიდში, ქუთაისში, მოიარა სოფლები. ბოლოს ის თბილისში შემოვიდა და თითქმის ყველა უბანი მანქანით გაიარა. ამ დროს არც ერთმა უწყებამ არ იცოდა რომ მათ მიერ ძებნილი სააკაშვილი ქვეყანაში იყო. მაშინაც კი როდესაც, მიხეილ სააკაშვილმა ვიდეოები სოციალურ ქსელში გამოაქვეყნა. მთავრობის უკლებლივ ყველა წევრი ამტკიცებდა რომ ეს იყო დიფ ფეიკი და მესამე პრეზიდენტი ქვეყანაში არ იმყოფებოდა. ამ მიზნით გადაწყვიტეს ვიდეოების საკუთარ ექსპერტებს შეემოწმებინათ.
მას შემდეგ რაც დარწმუნდნენ, რომ ვიდეო ვიდეო ნამდვილი იყო. ყველა უწყება საგანგებო რეჟიმზე გადავიდა. საბოლოოდ მიხეილ სააკაშვილი თბილისში, სანზონაში,ქვიშხეთის ორ ნომერში ელგუჯა ცომაიას სახლში დააკავეს.
საქართველოს პრემიერ მინისტრი საგანგებოდ გამართულ ამ ბრიფინგზე საკუთარ მოქალაქეებს უტიფრად ატყუებდა. ამას მოწმობს საქმის მასალებში არსებული დოკუმენტი რომლის მიხედვითაც მიხეილ სააკაშვილის მიერ, უკანონოდ გადმოკვეთის ფაქტზე 1 ოქტომბერს დაიწყო გამოძიება ანუ მხოლოდ მას შემდეგ, რაც მესამე პრეზიდენტმა ვიდეოები სოციალურ ქსელში გამოაქვეყნა. სწორედ ეს თარიღი აქვს საქმის დაწყების დოკუმენტს.
მირიან ჯანელიძე - პირი, რომელმაც უკრაინიდან შემოსული ტვირთი შეამოწმა და აღწერა ის პროდუქტი, რომელიც ელგუჯა ცომაიას სატვირთოში იყო.
გამოძიების ვერსიით მიხეილ სააკაშვილი მაცივარ-მისაბმელით, სადაც რძის პროდუქტები ინახებოდა უკრაინიდან საქართველომდე თითქმის 1 დღეზე მეტი მგზავრობდა.
მიხეილ სააკაშვილის დაკავების შემდეგ მალევე ელგუჯა ცომაია და მამა-შვილი წოწორიები დააკავეს. მათ ბრალი მძიმე დანაშაულის დაფარვას ედებიან. ადვოკატი ამტკიცებს, რომ საქმის მასალებში მათ წინააღმდეგ არანაირი მტკიცებულება არ დევს. გარდა იმ ჩვენებებისა, რომლებიც შალვა და ზურაბ წოწორიებმა გამომძიებლებს მისცეს.
წოწორიების საქმეში დევს უამრავი ფოტო, რომელიც გამოძიების მსვლელობისას ექსპერიმენტების დროს გადაიღეს, საქმეში ასევე ამოღებული ნივთებისა და მანქანების ფოტოების ინახება. მამა-შვილის საქმის შესახებ ოჯახის წევრებმა კი არაფერი იციან და ითხოვენ რომ გამოძიებამ ამ საქმეს პოლიტიკური სარჩული არ შეუკეროს.
გამოძიება წოწორიებს ედავება დანაშაულის დაფარვას, თუმცა არა საზღვრის უკანონოდ კვეთის საქმეზე, არამედ იმ საქმეებზე, რაზეც სააკაშვილი უკვე მსჯავრდებულია , მათ შორის გირგვლიანის მკვლელების შეწყალება და ვალერი გელაშვილის ცემა. შესაბამისად, ჩნდება კითხვა და სამართლებრივი კაზუსი — როგორ შეიძლება უკვე გახსნილი დანაშაულის დაფარვა?
ოცნების მიერ დევნილი მიხეილ სააკაშვილის საქმეზე გაიზრდება თუ არა ბრალდებულთა წრე ამას გამოძიების მსვლელობისას გავიგებთ. თუმცა ფაქტია, რომ ისე შემოვიდა მიხეილ სააკაშვილი ქვეყანაში რომ ვერავინ ვერაფერი გაიგო. ამით კიდევ ერთხელ დასტურდება, რომ ოცნების მართულ ქვეყანაში საზღვრები დაცული არ არის.
