ოლიგარქის "ტროიკა" - გომელაურმა მიხეილ სააკაშვილის დაკავების შემდეგ, პოლიციის მაღალჩინოსნებთან ერთად იქეიფა
გამოქვეყნდა:
ჩვენთან ერთად მოიპოვეთ თავისუფლება!
ბოლო დღეებში ნათლად გამოჩნდა, რომ დღეს ქვეყანას არა ხალხის მიერ არჩეული პირები, არამედ ივანიშვილის მიერ გამორჩეული ერთგულების პრინციპით შერჩეული მსახურები მართავენ და ამას აკეთებენ საუკეთესო ბოლშევიკურ სტილში.
ეს კარგად გამოჩნდა 1 ოქტომბერსაც, როდესაც სააკაშვილი დააკავეს. გამოჩნდა რომ ქვეყანას ივანიშვილის პირადი "ტროიკა" მართავს, რომელიც ყველაფერზე ხელის მომწერია, რასაც ოლიგარქი დაავალებს. ქართული ოცნების სხვა ლიდერები კი მხოლოდ საჯაროდ თავს იტყუებენ თითქოს რაღაცას წყვეტდნენ.
3 ოქტომბერს, მას შემდეგ, რაც არჩევნებიც გადააგორეს, ვახტანგ გომელაურმა მიხეილ სააკაშვილის დაკავება პოლიციის მაღალჩინოსნებთან ერთად აღნიშნა. ვახშამი რესტორან ქართულ სახლში შედგა.
სუფრა ქართული ტრადიციული კერძებით იყო გაწყობილი - მწვადი, ხინკალი და ქაბაბი. საზეიმო ვახშამს ვახტანგ გომელაური, მისი მოადგილე შალვა ბედოიძე, საპატრულო პოლიციის უფროსი ვაჟა სირაძე და თბილისის პოლიციის დეპარტამენტის დირექტორის მოადგილე, ნიკოლოზ სამარღანიშვილი, მეტსახელად ტყუპი ესწრებოდა.
