ბათუმის ყოფილი ვიცე-მერის სახლიდან პოლიციამ სავარაუდოდ კომპიუტერი და მეხსიერების ბარათი ამოიღო
გამოქვეყნდა:
ბათუმის ყოფილი ვიცე-მერის, ზურაბ ბერიძის სახლში საგამოძიებო მოქმედებები დასრულდა. მისი სახლიდან სამართალდამცველებმა ამოიღეს სავარაუდოდ კომპიუტერი და მეხსიერების ბარათი.
ზურაბ ბერიძემ მკვლელობასთან დაკავშირებით მოკლე კომენტარი გააკეთა და თქვა, რომ 6 თვეა ანასტასია შატალოვასთან კონტაქტი არ ჰქონია.
შეგახსენებთ, გასულ ღამეს თბილისში ახალგაზრდა ქალი, სადარბაზოსთან ჩაცხრილეს. არსებული ინფორმაციით, მას 7 ტყვია აქვს ნასროლი.
გაირკვა, რომ მოკლული ანასტასია შატალოვაა, რომელსაც დავა ჰქონდა ბათუმის ყოფილ ვიცე-მერთან არასრულწლოვან შვილთან დაკავშირებით.
ავტორი: თეა ვაშალომიძე
