თუ ჩატარდება, ეს იქნება გამარჯვების აქცია - კობახიძე 28 ოქტომბრის აქციაზე
გამოქვეყნდა:
"ქართული ოცნების" თავმჯდომარის, ირაკლი კობახიძის თქმით, თუ 28 ოქტომბერს მმართველი პარტიის აქცია დაიგეგმება, ეს "გამარჯვების აქცია" იქნება. კობახიძის განმარტებით, "ქართული ოცნება" პირველ რიგში 2 ოქტომბრის გამარჯვებას აღნიშნავს, ამას გარდა ის 30 ოქტომბრის სამობილიზაციო აქცია იქნება.
"ეს იქნება, რა თქმა უნდა, პირველ რიგში გამარჯვების აქცია, თუ ასეთი დაიგეგმება. 2 ოქტომბრის არჩევნებში დამაჯერებელი გამარჯვება, რა თქმა უნდა, უნდა აღვნიშნოთ და ასევე ეს იქნება სამობილიზაციო აქცია 30 ოქტომბრის მეორე ტურებისთვის, ანუ ეს არის საარჩევნო ღონისძიება თუ ასეთი დაიგეგმება", - თქვა ირაკლი კობახიძემ.
ცნობისთვის, მედიაში გავრცელებული ინფორმაციით, მმართველი პარტია 28 ოქტომბერს მასშტაბურ აქციას გეგმავს.
