"ჩემი რჩევა იქნება, მიბაძონ ბატონ ხაზარაძეს, დატოვონ პარლამენტი და "ოცნება" დატოვონ საკუთარ თავთან მარტო" - მიხეილ სააკაშვილი
გამოქვეყნდა:
ძალიან შთამბეჭდავი იყო გუშინ ბატონ მამუკა ხაზარაძის ნაბიჯი, მთლიანად ვიზიარებ მის ამ პოზიციას და მთლიანად ვეთანხმები ნიკა მელიას გამოსვლას - საქართველოს მესამე პრეზიდენტი, მიხეილ სააკაშვილი ციხიდან გავრცელებული წერილით ოპოზიციის გადაწყვეტილებებს გამოეხმაურა.
მიხეილ სააკაშვილმა თანამებრძოლებს მოუწოდა, რომ მამუკა ხაზარაძეს მიბაძონ.
"ძალიან შთამბეჭდავი იყო გუშინ ბატონ მამუკა ხაზარაძის ნაბიჯი, მთლიანად ვიზიარებ მის ამ პოზიციას და მთლიანად ვეთანხმები ნიკა მელიას გამოსვლას. ერთი სული მაქვს, როდის შემოგიერთდებით, მაგრამ ამაშიც თქვენი დახმარება მჭირდება. ვერც ერთი ციხის კარები ვერ შეაკავებს ხალხის სამართლიან რისხვას.
ამავე დროს უნდა გვესმოდეს, რომ პარლამენტმა უკვე დაკარგა სახელისუფლებო პლატფორმის ფუნქცია. იქ ვერანაირი გადაწყვეტილება ვერ და არ იქნება მიღებული.
ბანდიტებთან საუბარი რეფორმებზე და ქვეყნისთვის საკეთილდღეო ცვლილებებზე მხოლოდ ემსახურება დროის გაწელვას, რათა ჩაქრეს საპროტესტო მუხტი და შიგნითაც და გარეთაც ხელი ჩაიქნიონ ჩვენს ქვეყანაზე. ამიტომ ჩემი რჩევა იქნება, ყველა ჩემი თანამებრძოლის და ასევე, უბრალოდ ქვეყნის პატრიოტების და წესიერი ხალხის პარლამენტში - მიბაძონ ბატონ ხაზარაძეს, დატოვონ პარლამენტი და "ოცნება" დატოვონ საკუთარ თავთან მარტო" - ნათქვამია მიხეილ სააკაშვილის მიმართვაში, რომელიც ნიკა გვარამიამ წაიკითხა
ამავე თემაზე:
