რუსთავის მე-12 პენიტენციურ დაწესებულებასთან საქართველოს მესამე პრეზიდენტის, მიხეილ სააკაშვილის მხარდასაჭერი აქცია მიმდინარეობს. ადგილზე ოპოზიციის ლიდერები და მიხეილ სააკაშვილის მხარდამჭერები არიან შეკრებილი.
როგორც ოპოზიციაში ამბობენ, გაყალბებისა და ძალადობის ფონზე ჩატარებულ არჩევნების შედეგებთან შეგუებას არ აპირებენ.
"ნაციონალური მოძრაობის" თავმჯდომარე ამბობს, რომ ციხესთან პროტესტს პერმანენტული ხასიათი ექნება.
რუსთავის ციხის პარალელურად, საპროტესტო აქცია მიმდინარეობს ბათუმშიც, აჭარის მთავრობის მიმდებარე ტერიტორიაზე.
