"ჩემი ცემა მოხდა აყვანის დროს" - სალხინოს მონასტერთან დაკავებულები პოლიციაში გადაიყვანეს

მარტვილში "სპეცოპერაციის" შედეგად დაკავებული მოქალაქეები და სასულიერო პირები გვიან ღამით სენაკის პოლიციაში გადაიყვანეს. ერთ-ერთი მათგანი მხედველობადაქვეითებულია. ის ამტკიცებს, რომ დაკავების მომენტში პოლიცია მას ფიზიკურად გაუსწორდა, მაშინ, როდესაც სამართალდამცველებმა იცოდნენ მისი ჯანმრთელობის მდგომარეობის შესახებ.

კაცი სალხინოს ღვთისმშობლის შობის ტაძრის მრევლია, მას მეუფე სტეფანესთან შეხვედრა სურდა და მონასტრის ტერიტორიაზე შესვლის უფლებას ითხოვდა.

"ჩემი ცემა მოხდა აყვანის დროს, როდესაც გადაფარებული იყო ათობით პოლიციელი, როდესაც გამისწორდნენ სიტყვიერად და ფიზიკურად. ჩემი სათვალე დაიკარგა ამ დროს და ტანსაცმელი მაქვს გახეული. ეს გუშინ იყო დაგეგმილი მარტვილის პოლიციის უფროსიდან, მან თქვა, რომ ჩემი განცხადებების საფუძველზე მოხდებოდა ჩემი დაკავება, დაქვეითებული მაქვს მხედველობა",- ამბობს დაკავებული. 

დაკავებულების მოთხოვნაა, კელიებში შესახლებული სპეციალურად ჩაყვანილი სპორტსმენები და ჩოხოსნები გაიყვანონ და იქ მამები დააბრუნონ. თუმცა მეუფემ მათთან შეხვედრაზე უარი თქვა, შედეგად ადგილზე ვითარება დაიძაბა და დაპირისპირებას დაკავებები მოჰყვა.

შსს-ს ინფორმაციით, ჯამში 7 პირი დააკავეს.

იხილეთ ასევე:

• "აგერა ვარ დამიჭირეთ თუ გინდათ, აქ მოვკვდებით" - ხმაური სალხინოში და მამა ათინოგენეს მიმართვა პოლიციელებს
• ხმაური ჭყონდიდში | სალხინოს მონასტერთან დაკავებულებს შორის 2 სასულიერო პირია
• "სპეცოპერაცია" მეუფე სტეფანეს ბრძანებით - ჩოხოსნები, სპორტსმენები, პოლიცია ბერების წინააღმდეგ
• "ავაზაკები მოვიდნენ შუა ღამეს გამოგვათრიეს, გაგვლანძღეს, გაგვთათხეს" - მარტვილში მეუფე სტეფანეს გადადგომას ითხოვენ