ამ თემაზე საუბარი შევწყვიტე...თქვენ გყავთ მინისტრი ბრეგაძე - ღარიბაშვილის პასუხი მედიას, მიხეილ სააკაშვილზე
გამოქვეყნდა:
"ეს არ არის ჩემი სალაპარაკო თემა..." - ეს განცხადება მთავრობის მეთაურმა, ირაკლი ღარიბაშვილმა საქართველოს მესამე პრეზიდენტის, მიხეილ სააკაშვილის შიმშილობასა და ჯანმრთელობის მდგომარეობის უკიდურესად დამძიმებაზე გააკეთა.
"მე ამ თემაზე საუბარი შევწყვიტე. ეს არ არის ჩემი სალაპარაკო თემა, ვინაიდან, პატიმრებზე განცხადებებს აკეთებს პენიტენციური სამსახური, იუსტიციის სამინისტრო. თქვენ გყავთ მინისტრი ბრეგაძე, რომელსაც შეგიძლიათ, რომ დაუსვათ ნებისმიერი შეკითხვა, ასევე, არსებობს პენიტენციური სამსახური, მათ მიმართეთ ნებისმიერი კითხვით და გაგცემენ ასევე ამომწურავ პასუხს",- ამბობს ირაკლი ღარიბაშვილი.
