"არაფერია ცნობილი, ჩვენთვის არანაირი ინფორმაცია არ მოუწოდებიათ" - დიმიტრი საძაგლიშვილი
გამოქვეყნდა:
მიხეილ სააკაშვილის უფლებადამცველი, დიმიტრი საძაგლიშვილი ამბობს, რომ მიხეილ სააკაშვილის გადაყვანასთან დაკავშირებით ადვოკატებისთვის ინფორმაცია არ მიუწოდებიათ, შესაბამისად, მისი თქმით, უცნობია სად გადაჰყავთ მიხეილ სააკაშვილი.
"ჩვენთვის არაფერია ცნობილი, გარდა იმისა, რაც მედიით ვრცელდება... ბუნებრივია, ადამიანის გადაყვანა ჰოსპიტალში ისე უნდა მოხდეს, რომ აღნიშნულზე ინფორმაცია უნდა ჰქონდეთ, მის ოჯახის წევრებს, ადვოკატებს და პირად ექიმს, მაგრამ ჩვენთვის არანაირი ინფორმაცია არ მოუწოდებიათ. ჩვენ გვქონდა კომუნიკაცია პენიტენციური სამსახურის სამედიცინო დეპარტამენტთან და განგვიმარტეს, რომ არ ხდება მიხეილ სააკაშვილის გადაყვანა, ეს მოხდა რამდენიმე წუთის წინ, - თქვა დიმიტრი საძაგლიშვილმა.
ცნობისთვის, ცოტა ხნის წინ ინფორმაცია გავრცელდა, რომ მიხეილ სააკაშვილი რუსთავის მე-12 სასჯელაღსრულების დაწესებულებიდან ვერტმფრენით გადაიყვანეს, თუმცა უცნობია რომელ ჰოსპიტალში წაიყვანეს ის.
იხილეთ ასევე:
- ამას ქვია მძევალი მიხეილ სააკაშვილის გატაცება - ნიკა გვარამია
- რუსთავის ციხიდან გასული ბრონირებული მანქანები გორში გამოჩნდა | სად არის მიხეილ სააკაშვილი
- მესამე პრეზიდენტის ადგილსამყოფელი უცნობია - რა ხდება გორის ჰოსპიტალში?
- "ჩემი შვილი აქ აღარ არის... სადღაც გააქრეს" | გიული ალასანიას რუსთავის ციხეში არ უშვებენ
