მთავრობის ადმინისტრაციის შენობასთან აქციის მონაწილეების მიერ გაკეთებულ წარწერებს - "თავისუფლება მიშას" შლიან.
ადგილზე თბილისის მერიის დასუფთავების სამსახურის თანამშრომლები ცოტა ხნის წინ მივიდნენ.
მთავრობის ადმინისტრაციასთან ოპოზიციის ლიდერები და მხარდამჭერები უწყვეტ, მშვიდობიან პროტესტს განაგრძობენ. ისინი დილის 9 საათზე მსვლელობით იუსტიციის სამინისტროსთან გადაინაცვლებენ.
მოქალაქეების პროტესტის გამო, სახელმწიფო უწყებებთან საპოლიციო ძალებია მობილიზებული. გამთენიისას სამართალდამცველებმა, გოგა მემანიშვილის ხელმძღვანელობით, კანცელარიის მიმდებარედ რკინის ჯებირები განალაგეს.
ოპოზიციის მოთხოვნა უცვლელია - მიხეილ სააკაშვილის გათავისუფლება და ოლიგარქ ივანიშვილის მიერ მიტაცებული არჩევნების დაბრუნება.
