რუსთაველის გამზირზე, პარლამენტის წინ ოპოზიციის აქცია დაიწყო. დედაქალაქის მთავარი გამზირი მიხეილ სააკაშვილისა და ოპოზიციის მხარდამჭერებმა დაიკავეს და საავტომობილო გზა უკვე გადაკეტილია.
აქციაზე გამოსვლები ზუსტად 6 საათზე დაიწყება. ეს არის შემაჯამებელი აქცია, რომელზეც პოლიტიკოსები გასულ კვირას განვითარებულ პროცესებზე ისაუბრებენ და საზოგადოებას სამომავლო სამოქმედო გეგმას გააცნობენ.
მოთხოვნები უცვლელია - მიხეილ სააკაშვილის გადაყვანა სამოქალაქო კლინიკაში და ივანიშვილის მიერ მიტაცებული არჩევნების დაბრუნება.
