ექიმები სიცოცხლის გადარჩენისთვის - მთავრობის ადმინისტრაციასთან მედიკოსების აქცია გაიმართება
გამოქვეყნდა:
ექიმები სიცოცხლის გადარჩენისთვის - "ფეისბუქზე" ღონისძიება დაიგეგმა. მედიკოსები საქართველოს მთავრობის ადმინისტრაციასთან დღეს, 19 საათზე შეიკრიბებიან და მიხეილ სააკაშვილისთვის სრულფასოვანი მკურნალობის ჩატარების უფლებას მოითხოვენ - ადამიანის უფლებების დარღვევის და პაციენტის არაადამიანურ პირობებში ყოფნისთვის, ვერთიანდებით ექიმები - ნათქვამია ღონისძიების აღწერაში.
დღეს მიხეილ სააკაშვილის პოლიტიკური პატიმრობისა და შიმშილობის 45-ე დღეა. მისი ჯანმრთელობის მდგომარეობა კი კრიტიკულად მძიმდება.
