მიხეილ სააკაშვილის კლინიკაში გადაყვანის მოთხოვნით, კანცელარიასთან ექიმების აქცია იმართება
გამოქვეყნდა:
მთავრობის კანცელარიასთან ექიმები საპროპტესტო აქციას მართავენ. ისინი მთავრობასთან შეხვედრასა და მიხეილ სააკაშვილის მრავალპროფილურ კლინიკაში გადაყვანას მოითხოვენ.
აქციის ორგანიზატორები საქართველოს მესამე პრეზიდენტის მიმართ მოპყრობას გმობენ და ამბობენ, რომ ციხის საავადმყოფოში მიხეილ სააკაშვილს ადეკვატურად ვერ უმკურნალებენ.
მათი თქმით, აქციები პერმანენტულად გაგრძელდება, მანამ, სანამ მიხეილ სააკაშვილს კლინიკაში არ გადაიყვანენ.
