მიხეილ სააკაშვილის მხარდასაჭერად შიმშილობა ფოთისა და წალენჯიხის საკრებულოს წევრებმაც დაიწყეს
გამოქვეყნდა:
საქართველოს მესამე პრეზიდენტის, მიხეილ სააკაშვილის სამოქალაქო კლინიკაში გადაყვანის მოთხოვნით შიმშილობა წალენჯიხისა და ფოთის საკრებულოს დეპუტატებმაც დაიწყეს.
ფოთის საკრებულოს 3 მოშიმშილე წევრს დღეს კიდევ ორი ადამიანი შეუერთდება. რაც შეეხება წალენჯიხას, იქ პროტესტის ამ უკიდურეს ფორმას 4-მა დეპუტატმა მიმართა. არსებული ინფორმაციით, მათ რიცხვს "ნაციონალური მოძრაობიდან" კიდევ 2 პირი შეუერთდება.
გუშინ მომხდარი ხმაურისა და დპირისპირების შემდეგ ოპოზიციონერები შიმშილობას აგრძელებენ ზუგდიდშიც, სადაც 5-მა პირმა პროტესტის ამ ფორმას საკრებულოს შენობაში სამი დღის წინ მიმართა.
შიმშილობას აგრძელებენ ასევე რუსთავის საკრებულოში.
მოშიმშილეებს ერთადერთი მოთხოვნა აქვთ - გადაიყვანონ მიხეილ სააკაშვილი სამოქალაქო კლინიკაში. წინააღმდეგ შემთხვევაში პროტესტის შეწყვეტას არ აპირებენ.
ცნობისთვის, საქართველოს მესამე პრეზიდენტი მიხეილ სააკაშვილი უკვე 49-ე დღეა შიმშილობს. მისი ჯანმრთელობის მდგომარეობა მძიმეა.
სახალხო დამცველის მიერ შექმნილმა ექსპერტთა ჯგუფმა გუშინ მიხეილ სააკაშვილის მრავალპროფილურ კლინიკაში გადაყვანის რეკომენდაცია გასცა. მათ მესამე პრეზიდენტი გლდანის მე-18 დაწესებულებაში 16 ნოემბერს მოინახულეს.
სახალხო დამცველის ექსპერტთა ჯგუფის დასკვნა მიხეილ სააკაშვილზე | სრული ვერსია
