ვინ არის და რითი გამოირჩევა "ხარება" | ხელისუფლება სპეცრაზმს აძლიერებს და ძალოვანებისთვის აღჭურვილობას ყიდულობს

რაზე დგას "ქართული ოცნების" ხელისუფლება - 2013 წელს, როდესაც ივანიშივლის გუნდი ხელისუფლებაში მოვიდა, შსს-ს, პორკურატურისა და კუდ-ის დაფინასნება ჯამურად 600 მლნ ლარს არ აჭარბებდა. მომავალ წელს, იგივე უწყებები ჯამში 1 მილიარდ 100 მილიონ ლარს აითვისებენ.

ცხადია, ეს ფული რეპრესიული მანქანის გაძლიერებაში მიდის, თორემ რიგითების ხელფასები ბოლო წლების განმავლობაში არ გაზრდილა, სამაგიეროდ დამაჯერებელი ტემპით იზრდება ხელისუფლების ყველაზე შავი დავალებების შემსრულებლების ქონება.

ხელისუფლება სპეცრაზმებს აძლიერებს. ოპოზიციის მასშტაბური პროტესტის პარალელურად, განსაკუთრებულ დავალებათა დეპარტამენტი სადამსჯელო აღჭურვილობის რაოდენობას ზრდის. შინაგან საქმეთა სამინისტრო სპეცრაზმის აღჭურვილობას განსაკუთრებით გასაიდუმლოებული და სასწრაფო წესით ყიდულობს. 

გომელაურის უწყება ჩქარიბს. სპეციალური დანიშნულების რაზმისთვის აღჭურვილობის შესაძენად ტენდერში წინადადებების მიღება 17 ნოემბერს დაიწყო და 2 დღეში გამარჯვებით დასრულდა. მაგრამ, კონკრეტული ჩამონათვალი, რა ტიპის აღჭურვილობის შეძენა იგეგმება გასაიდუმლოებულ შესყიდვაში არ გვხვდება. 

როგორც ჩანს, განსაკუთრებულ დავალებათა დეპარტამენტს ვახტანგ გომელურმა დავალებების უსიტყვოდ შესრულება დაუფასა და ახლა, მორიგი მძიმე ბრძანებების შესასრულებლად მათ განსაკუთრებით აძლიერებს. ის, ვისაც გომელაურმა სრული ნდობა გამოუცხადა, ზვიად ხარაზიშვილია - იგივე ხარება, განსაკუთრებულ დავალებათა დეპარტამენტს ხელმძღვანელი.

კიდევ ერთი წყარო, რომელიც წლების განმავლოაბაში სპეცრაზმში მუშაობდა, "მთავარ არხს" უყვება, რომ ზვიად ხარაზიშვილი ძალოვანების უმრავლესობაში, უკანონო ბრძანებების გამო, გაღიზიანებასა და ზიზღს იწვევს. ხარება ფიგურირგებს 20 ივნისის გავრილობვის ღამეს, როცა სპეცრაზმი მშვიდობიან მომიტინგეებს დათვის ტყვიებით გაუსწორდა. ხარაზიშვილი ამ დროს ყველაზე მკაცრად გაწვრთნილ სპეცდანიშნულების დანაყოფს „შავნაბადას“ ხელმძღვანელობდა, სწორედ ეს დანაყოფი იდგა წინა რიგებში, მაშინ როდესაც სპეცრაზმი მომიტინგეებს დამიზნებით ესროდა. 

ჩვენი წყაროს ინფორმაციით, ხარაზიშვილი ვახტანგ გომელაურის პროტეჟეა და მის უშუალო მფარველობაში იმყოფება. ასევე, ხარაზიშვილი აფგან მუხთარლის გატაცებასა და თემირლან მაჩალიკაშვილის საწოლში ჩაცხრილვის საქმეშიც მთავარი ფიგურანტია. 

როგორც ჩანს, გომელაურმა ხარებას უკანონო დავალებებეის შერულება დაუფასა და სწორედ ამიტომ , 2021 წლის იანვარში დააწიანურა, სწორედ განსაკუთრებულ დავალებათა დეპარტამენტის უფრისის სტატუსით ხელმძღვანელობდა "ხარება" "ნაციონალური მოძრაობის" ოფისზე შტურმსა და ნიკა მელიას დაკავების სპეცოპერაციას.

დავინტერსედით რა ქონებას ფლობს "ქართული ოცნების" უკანანო დავალებების შემსრულებელი ზვიად ხარაზიშვილი. ოფიციალურ დეკლარაციაში მას მხოლოდ უძრავი ქონების ნაწილი აქვს მითითებული. დეკლარაციაში მითითებულ მისმართზე ის 15 წელია აღარ ცხოვრობს.  ეს ინფორმაცია მისმა მეზობლებმაც დაგვიდასტურეს.