სამოქალაქო აქტივისტებმა ხვალ, თბილისის საქალაქო სასამართლოსთან მიხეილ სააკაშვილს პროცესის პარალელურად, მისი მხარდამჭერი აქცია დააანონსეს.
ხვალ 11 საათზე მოდით საქალაქო სასამართლოსთან და იქ დგომით დავიცვათ ჩვენი ეროვნული და პიროვნული ღირსება - ამბობს გიორგი მუმლაძე.
სამოქალაქო აქტივისტები ამჟამად თბილისში, თავისუფლების მოედანზე არიან შეკრებილები და მიხეილ სააკაშვილის პატიმრობას მშვიდობიანი აქცია-პერფორმანსით აპროტესტებენ.
მესამე პრეზიდენტის სასამართლო ე.წ. 7 ნოემბრის საქმეზე თბილისის საქალაქო სასამართლოში ხვალ, დილის 11 საათზეა ჩანიშნული. ჯერჯერობით უცნობია მიიყვანენ თუ არა თავად მიხეილ სააკაშვილს პროცესზე.