ტრაქტორები უკვე რაჭასაც მიადგა - საქართველოს რეგიონი, ცნობილი მისი ბუნებრივი სილამაზით და ჯანსაღი გარემოთი, ისეთი მომწამლავი ნივთიერებით ბინძურდება, რაც სიმსივნის შემთხვევების და სიკვდილიანობის გაზრდას გამოიწვევს.
კონკრეტულად საუბარია სოფელ შქმერზე, სადაც მიწიდან მანგანუმის ამოღების პროცესი უკვე დაწყებულია და უზარმაზარი ნაკვეთები გადათხრილია.
თუ შქმერელებს აინტერესებთ, რა ელოდებათ, ამის მაგალითი მათ უკვე აქვთ - ჭიათურაში, სადაც კიბოთი გარდაცვალების რიცხვი სულ უფრო იზრდება სწორედ გარემოს მანგანუმით დაბინძურების გამო.
საინტერესოა, ვის მისცა და რატომ მისცა ხელისუფლებამ ადამიანების ჯანმრთელობის და სიცოცხლის ხარჯზე გამდიდრების ნებართვა? ვინ დგას უკვე დაწყებული კატასტროფის უკან?
