გიორგი გახარია ქუთაისის პარლამენტის შენობას ყიდის. ეს განცხადება პრემიერმა ქუთაისში სტუმრობის დროს გააკეთა. ამბობს, რომ შენობის კომერციული დანიშნულებით დაინტერესდება, რის შემდეგაც პარლამენტის შენობას ტენდერზე გაიტანენ.
განიხილება საპოლიციო ჰაბიც, მაგრამ პირველი ნაბიჯი, რაც ყველაზე ლოგიკური იქნება, ალბათ ამ შენობის გატენდერებაა. ვნახოთ რა კომერციული ინტერესი იქნება,- განაცხადა გიორგი გახარიამ
საქართველოს კონსტიტუციით, ქუთაისი 2012 წლიდან უმაღლესი საკანონმდებლო ორგანოს ადგილსამყოფელი იყო. პარლამენტმა იქ მუშაობა 2018 წლის დეკემბერში დაასრულა.
შეგახსენებთ, რომ საკანონმდებლო ორგანოს თბილისიდან ქუთაისში გადატანა „ნაციონალური მოძრაობის“ ხელისუფლების ინიციატივა იყო. „ქართული ოცნების“ ხელისუფლებაში მოსვლის შემდეგ კი ეს შეიცვალა და პარლამენტი თბილისში დაბრუნდა.
პარლამენტის შენობის მშენებლობისთვის 340 მილიონ ლარზე მეტი დაიხარჯა.
