მკოიანის დაჯგუფება ნინოწმინდაში - საკრებულოში სხდომა სომხურად ტარდება

გამოქვეყნდა:

ნინოწმინდის საკრებულოში სხდომა ქართული ენის ნაცვლად, სომხურად ტარდება. საკრებულოს თავმჯდომარე სუმბატ კიურეღიანი კანონს უხეშად არღვევს და საჯარო მოხელეები ქართულ ენაზე არ საუბრობენ. ერთადერთი, ვინც საკრებულოს შენობაში სახელმწიფო ენაზე საუბრობს ნინოწმინდის მერია.

საკრებულოს თავმჯდომარე, რომლის ხელფასი მხოლოდ 3000 ლარია, დიდ ქონებას ფლობს. მას ტბის პირას სასახლე აქვს. სუმბატ კიურეღიანის ოჯახი, მშობლები და მათთან დაკავშირებული კომპანიები, ჯამში, 440 ჰექტარ მიწას ფლობენ. მათ საკუთრებაში არსებული ტერიტორია ორჯერ დიდია, ვიდრე  სახელმწიფო მონაკო.

კიურეღიანს შთამბეჭდავი ავტოპარკი აქვს. მის საკუთრებაშია 2013 წელს 50 ათას დოლარად შეძენილი G კლასის მერსედესი.  უახლესი მერსედეს  E კლასი, ნისან ნავარა. დეკლარაციის თანახმად, საკრებულოს თავმჯდომარე 7000 ლარად შეძენილ ფორდ ტრანზიტსა და 23 ათას ლარად შეძენილ ჰიუნდაი ველოსტერის ტიპის ავტომობილებსაც ფლობს.

საკრებულოს თავმჯდომარეს უკანონოდ მოპოვებული სომხური პასპორტი აქვს. დოკუმენტით ირკვევა, რომ კიურეღიანს დაბადების მოწმობის ჩანაწერები გაყალბებული, სახელი და დაბადების თარიღი კი შეცვლილი აქვს.

ნინოწმინდაში საკრებულოს თავმჯდომარეს შავი საქმეებით იცნობენ. სუმბატ კიურეღიანი, ენზელ მკოიანის დაჯგუფების ერთ-ერთ წევრად მოიაზრება.

სამცხე-ჯავახეთში ყველა და ყველაფერი ენზელ მკოიანის გავლენის ქვეშაა. „საერთაშორისო გამჭვირვალობამ“ დათვალა და დაადგინა, რომ 30 იანვრიდან დღემდე, ადგილობრივი ფეოდალისა და მისი ოჯახის წევრების კომპანიებმა ბიუჯეტიდან ნახევარ მილიონ ლარზე მეტი მიიღეს.

შპს ''მეეკთან'' 18 პირდაპირი შესყიდვა თავად მკოიანის მაჟორიტარულმა ბიურომ, ნინოწმინდა-ახალქალაქის შპს-ებმა და აიპ-ებმა, ასევე ნინოწმინდის მერიამ განახორციელა. მკოიანის ოჯახმა, ბოლო ცხრა წლის განმავლობაში ბიუჯეტიდან ორ მილიონ ლარზე მეტი მიიღო. დეპუტატის შვილების, ძმისა და ბიძის სამ კომპანიასთან საწვავზე 674 შესყიდვა გაფორმდა, მათ შორის, 665 პირდაპირი წესით. ამ სქემის შესახებ უსაფრთხოების სამსახურის ანტიკორუფციულმა სააგენტომაც იცის, თუმცა მაინც არავინ რეაგირებს.

მთავარი 15:00
უყურეთ ბოლო გამოშვებას

იხილეთ ჩვენს ეთერში

დღის მთავარი