გორის საკრებულოს თავმჯდომარე მესამე ვადით ისევ დავით რაზმაძე გახდა - "ოცნების" უცვლელ მაღალჩინოსანს მხარი ივანიშვილის პარტიის 24-ვე დეპუტატმა დაუჭირა, ოპოზიციამ კი კენჭისყრას ბოიკოტი გამოუცხადა. როგორც ნაციონალური მოძრაობის, ასევე გახარიას პარტიის წევრები თვლიან, რომ საკრებულოს დღევანდელი შემადგენლობა ხალხის არჩევანს არ გამოხატავს, რადგან თვითმმართველობის არჩევნები ტოტალური მოსყიდვის და დაშინების ფონზე ჩატარდა.
გორის ახალი საკრებულოს პირველი სხდომა გარდაცვლილი დეპუტატის, ნუგზარ ფუტკარაძისთვის პატივის მიგებით დაიწყო. ოპოზიცია ფუტკარაძის ფოტოებით მივიდა.
