თეთრი სახლის ინფორმაციით, აშშ-სა და რუსეთის პრეზიდენტები 7 დეკემბერს ვიდეოშეხვედრას გამართავენ და უკრაინაში შექმნილ დაძაბულ ვითარებას განიხილავენ.
"პრეზიდენტი ბაიდენი ხაზს გაუსვამს აშშ-ის შეშფოთებას უკრაინის საზღვარზე რუსეთის სამხედრო მოქმედებებით და კიდევ ერთხელ დაადასტურებს შეერთებული შტატების მხარდაჭერას უკრაინის სუვერენიტეტისა და ტერიტორიული მთლიანობის მიმართ" - ნათქვამია თეთრი სახლის განცხადებაში.