ივანიშვილი ემზადება გვარამიას და ხაზარაძის დასაჭერად და მედიის დასახურად - მიხეილ სააკაშვილი
გამოქვეყნდა:
ბიძინა ივანიშვილი ემზადება ნიკა გვარამიას და მამუკა ხაზარაძის დასაჭერად და მედიის დასახურად - ნათქვამია მიხეილ სააკაშვილის მიმართვაში, რომელიც მესამე პრეზიდენტის ფეისბუქ გვერდზე რამდენიმე წუთის წინ გავრცელდა:
რას შვება ივანიშვილი? - აძლიერებს დამსჯელ რაზმებს, ახალისებს კრიმინალს და ცდილობს პატარ-პატარა თემების შემოგდებით ორი მთავარი თემისგან ყურადღების გადატანას: რიგგარეშე არჩევნებისგან და ჩემი გათავისუფლებისგან. იგივე რიგგარეშე არჩევნების თემაზე დაბნეულობის შემოსატანად შემოაგდო 2%-იანი ბარიერის თემა და ჩემ შემთხვევაში - საავადმყოფოში გადაყვანის. ასევე იქირავა "ექსპერტები", რომელთა მთავარი თემაა, რომ თურმე სააკაშვილის თემა ხელს უშლის ოპოზიციის ძირითად პროგრამას. ახლა მისი მთავარი მოკავშირეა საახალწლო გოჭი და საცივი და ხალხის ამ თემებზე გადართვა. ამ ყველაფრით მას სურს ტემპერატურის დაგდება, ფრუსტრაციის და პასიურობის დანერგვა. ამის პარალელურად ემზადება გვარამიას, ხაზარაძის დასაჭერად და მედიის დასახურად" - ნათქვამია მიმართვაში.
