ისეთი დებილი არ ვარ, რომ ვიღაცას 16 მლნ მივცე და არ დამიბრუნოს - წერეთლის პასუხი პროკურატურას
გამოქვეყნდა:
არც ვაღიარებ და არც ვინანიებ, იმიტომ, რომ რაც არ ჩამიდენია, რა უნდა ვაღიარო- ასე უპასუხა ავთანდილ წერეთელმა პროკურორის კითხვას, აღიარებს და ინანიებს თუ არა ჯაფარიძე-ხაზარიძესთვის ფულის მიცემას.
წერეთელმა დღევანდელ პროცესზე კიდევ ერთხელ განაცხადა, რომ წარდგენილ ბრალს არ იზიარებს:
"შეიძლება შეხედულება არ მიწყობს ხელს, მაგრამ ისეთი დებილი არ ვარ, რომ ვიღაცას 16 მლნ მივცე და არ დამიბრუნოს, ან ხაზარაძე-ჯაფარიძეს რაში სჭირდებოდა ბანკის „გადაგდება“ ან მე რაში მჭირდებოდა.
როდესაც მთხოვეს სესხი, ამას წინ უძღოდა წინა წლები - მათ ნასესხები ჰქონდათ დიდი თანხები და დაბრუნებულიც ჰქონდათ”, - განაცხადა ავთანდილ წერეთელმა.
ე.წ. ფულის გათეთრების საქმეზე, მოწმის სახით, დღევანდელ პროცესზე ბადრი ჯაფარიძე დაიკითხა.
