2021 წელს ომბუდსმენმა სავარაუდო დისკრიმინაციის 141 ფაქტი შეისწავლა - ანგარიში
გამოქვეყნდა:
სახალხო დამცველის ანგარიშის მიხედვით, 2021 წელს თანასწორობის უფლების დაცვის მხრივ მდგომარეობა კვლავ კრიტიკული იყო.
"სამწუხაროდ, ქალების, შეზღუდული შესაძლებლობის მქონე პირების, ლგბტ+ თემის წარმომადგენლების თუ არადომინანტური რელიგიური და ეთნიკური ჯგუფების წარმომადგენლების უფლებრივი მდგომარეობა არც ამ წელს გაუმჯობესებულა", - აღნიშნულია ანგარიშში.
ჯამში, 2021 წელს, სახალხო დამცველმა სავარაუდო დისკრიმინაციის 141 ფაქტი შეისწავლა, რომელთაგან:
- ყველაზე მეტი - 27% განსხვავებული ანდა პოლიტიკური შეხედულების სავარაუდო დისკრიმინაციას შემთხვევებს შეეხებოდა;
- სქესის/გენდერის ნიშნით - 17%;
- შეზღუდული შესაძლებლობის ნიშნით - 12%;
- სოგი-ს ნიშნით - 9%;
- ეთნიკური წარმომავლობის ნიშნით - 8%;
- რელიგიის ნიშნით - 4%;
- სხვა ნიშნებით სავარაუდო დისკრიმინაციის შემთხვევებზე კი განმცხადებელთა 23% მიუთითებდა.
