იუსტიციის სამინისტროს სამართლებრივი სახელმწიფოს განმტკიცების საქმეში აკისრია ძალიან დიდი ფუნქცია, ეს რა თქმა უნდა, საჭიროებს დიდ ძალისხმევას და ზურგის ქარს, მთლიანი გუნდით მხარდამხარ ბრძოლას. მინდა მადლობა გადავუხადო ამ ტრიბუნიდან საქართველოს პრემიერმინისტრს, რომელიც მრავალი პროგრესული იდეის უშუალო ავტორი და წამახალისებელია, ასევე, თანადგომის, საკანონმდებლო მხარდაჭერის, ინიციატივების ასეთი მაღალი ხარისხით მიმღებლობისა და მოსახლეობის კეთილდღეობაზე ორიენტირებული საპარლამენტო კონტროლის განხორციელებისათვის, მადლობას მოგახსენებთ პარლამენტის პატივცემულო წევრებო.
თქვა იუსტიციის მინისტრმა, რატი ბრეგაძემ პარლამენტის პლენარულ სხდომაზე, სადაც მას დეპუტატები "მინისტრის საათის" ფორმატში უსმენენ.
