ერაყის დედაქალაქში, ბაღდადში, აშშ-ის საელჩოს მიმართულებით ორი რაკეტა ისროლეს - ინფორმაციას FoxNews ავრცელებს.
გამოცემის ცნობით, ერთი რაკეტა ამერიკელმა სამხედროებმა ჩამოაგდეს, მეორე კი საელჩოს შენობასთან დაიკარგა. აშშ-ის თავდაცვის ძალების განცხადებით, რაკეტა აშშ-ს C-RAM (რაკეტსაწინააღმდეგო და ანტისარაკეტო) თავდაცვის სისტემის მეშვეობით ჩამოაგდეს.
The Jerusalem Post წერს, რომ რაკეტა საელჩოს ტერიტორიაზე, მწვანე ზონის მახლობლად დიდი სადღესასწაულო მოედნის მიმდებარედ ჩამოვარდა, რამაც ორი სამოქალაქო მანქანა დააზიანა.
აშშ-ის საელჩო ერაყის დედაქალაქის დაცულ მწვანე ზონაში მდებარეობს. აღსანიშნავია, რომ მსხვერპლის შესახებ ინფორმაცია არ გავრცელებულა.
