ენმ-ის ლიდერებისთვის და მიმდევრებისთვის მიშას გადარჩენა პოლიტიკური თვითშენარჩუნების, პიროვნული კეთილსინდისიერების საკითხია - ნიკა გვარამია
გამოქვეყნდა:
"მთავარი არხის" გენერალური დირექტორი, ნიკა გვარამია "ნაციონალური მოძრაობის" ლიდერებისა და მხარდამჭერების მიერ "მასობრივი საპროტესტო შიმშილობის" დაწყებას ეხმაურება და წერს, რომ მიხეილ სააკაშვილის გადარჩენა მათთვის პოლიტიკური თვითშენარჩუნებისა და პიროვნული კეთილსინდისიერების საკითხია.
ნიკა გვარამიას თქმით, საზოგადოებამ უნდა გაიაზროს პასუხისმგებლობის ის ტვირთი, რომელიც ლიდერებს (განსაკუთრებით ნიკა მელიას) აწევს და ის ემოციური სირთულე, რომელსაც მესამე პრეზიდენტის ყოველი გულშემატკივარი დაატარებს.
"შიმშილობის აქციას რომ დავუბრუნდეთ. არის ამ აქციაში სასოწარკვეთის ელემენტები - დიახ, ადამიანი კვდება ციხეში და რა გასაკვირია, რომ ხალხს რაციონალური მსჯელობის უნარი დაუქვეითდეს. ისე, ზოგჯერ, ემოციური ინტელექტი უფრო ეფექტური და ეფექტიანია, ესეც უნდა გვახსოვდეს. ე.წ. "ემოციური ინვალიდებს" სამხრეთული ტემპერამენტის საქართველოში არაფერი განსაკუთრებით მნიშვნელოვანისთვის არ მიუღწევიათ. ეს შიმშილობის აქტი, ენმ-ის სტილისტიკის და პარტიული ტემპერამენტისაა, კი ბატონო. მაგრა რატომ არაა ლელოს წონასწორობის და პროცედურული დემოკრატიის მომხრეთა რუტინული სისწორის ჩარჩოებში? სრულიად ცივილიზებულია, არავის უშლის ხელს, და, მთავარია, არაფერს, არც ერთ სხვა მიმდინარე პროცესს. და აძლიერებს და აახლოვებს წამების მსხვერპლის გათავისუფლებას, ანუ ლოკალურ ამოცანას. თავის მხრივ, ეს გააძლიერებს და მოაახლოვებს გლობალური ამოცანების განხორციელებას.
და სულ გვახსოვდეს, ენმ ლიდერების და მიმდევრების მარტო კეთილი ნება და ჰუმანიტარული მისია არაა მიშას გადარჩენა და ამისთვის ყევლაფრის გაკეთება, ეს მათი პოლიტიკური თვითშენარჩუნების (როგორც პერსონალურ, ასევე პარტიულ ჭრილში) და პიროვნული კეთილსინდისიერების საკითხია. გავითვალისწინოთ ეს და არ ვიმსჯელოთ გვერდიდან, თუ რეალობის სწორი აღქმა და დანახვა გვინდა. შევეცადოთ, შევიგრძნოთ პასუხისმგებლობის ის ტვირთი, რომელიც ლიდერებს (განსაკუთრებით მელიას) აწევს და ის ემოციური სირთულე, რომელსაც მიშას ყოველი გულშემატკივარი დაატარებს უკვე რამდენი ხანია. შევიგრძნოთ, და იქნებ ყველაფერი თავის ადგილზე დადგეს", - წერს ნიკა გვარამია.
ნახეთ პოსტი სრულად:
