"ომიკრონი" 3 წლის ბავშვს დაუდასტურდა - ახალი შტამით ინფიცირების 51 შემთხვევა ქვეყანაში
გამოქვეყნდა:
ბოლო მონაცემებით, საქართველოში კორონავირუსის „ომიკრონ“ შტამით ინფიცირების 51 შემთხვევაა გამოვლენილი – ამის შესახებ "პირველ არხს" დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განუცხადა.
გამყრელიძის ინფორმაციით, ქვეყანაში გამოვლენილი 51 - დან, ხუთი პირი 18 წლამდე ასაკისაა, ხოლო ერთ-ერთი სამი წლის ბავშვია.
გამყრელიძის თქმით, ბავშვი ამ დრომდე უსიმპტომოა.
ომიკრონის შტამი პირველად საქართველოში 20 დეკემბერს დადასტურდა.
