ძლიერი ხანძარი სამხრეთ აფრიკის პარლამენტის შენობაში | მაშველები ცეცხლის ჩაქრობას ვერ ახერხებენ
გამოქვეყნდა:
სამხრეთ აფრიკის ქალაქ კეიპტაუნში პარლამენტის შენობაში ძლიერი ხანძარია - ამის შესახებ ინფორმაციას საერთაშორისო გამოცემა BBC ავრცელებს.
ცნობილი ხდება, რომ ადგილზე ათობით სახანძრო-სამაშველო ბრიგადა მუშაობს და ხანძრის ჩაქრობას ცდილობს. რამ გამოიწვია ხანძარი, ჯერჯერობით უცნობია.
ადგილობრივი მედიასაშუალებები ავრცელებენ ვიდეოს, რომელშიც ჩანს, რომ ცა მთლიანად კვამლშია გახვეული, უზარმაზარი ალი კი შენობის სახურავიდან ამოდის.
BBC-ის ცნობით, ხანძარი არქიეპისკოპოსის, დესმონდ ტუტუს დაკრძალვის ცერემონიიდან, რამდენიმე საათში გაჩნდა. რასობრივი სამართლიანობისთვის მებრძოლი არქიეპისკოპოსი გუშინ წმინდა გიორგის ტაძარში დაკრძალეს. ტაძარი პარლამენტის შენობასთან ახლოს მდებარეობს.
