ახალი წლის ღამეს საფრანგეთში 874 მანქანა დაწვეს - ამის შესახებ ინფორმაციას CNN ავრცელებს.
შინაგან საქმეთა მინისტრის, ჟერალდ დარმანინის თქმით, 2021 წელს, გასულ 2020-თან შედარებით, ნაკლები რაოდენობის მაქანა დაწვეს, რაც მისი თქმით, კორონავირუსის გამო დაწესებულ შეზღუდვებს უკავშირდება.
მინისტრის თქმით, დღესასწაულის ღამეს დაკითხვაზე პოლიციის განყოფილებაში 441 ადამიანი მიიყვანეს.
CNN-ის ცნობით, მხოლოდ სტრასბურგში, ჩრდილო-აღმოსავლეთ საფრანგეთში, ახალი წლის ღამეს დაკითხვაზე 31 ადამიანი გადაიყვანეს. მათ შორის 6 არასრულწლოვანი კომენდანტის საათის დარღვევისთვის. დანარჩენები კი მანქანებისა და ურნებისთვის ცეცხლის წაკიდების გამო.
ადგილობრივი ხელისუფლების ცნობით, 31 დეკემბერს ოთხი პოლიციელი დაშავდა.
