საჯარო მოხელეების ჩხუბი აბაშის ცენტრში - არსებული ინფორმაციით, ერთმანეთს ქალაქის მოქმედი მერი გიგა გაბლაია და საკრებულოს ყოფილი თავმჯდომარე ლევან მაკალათია ფიზიკურად გაუსწორდნენ.
უთანხმოება სავარაუდო ტენდერებში წილების გადანაწილებას უკავშირდება.
მაკალათია ის პირია, რომელიც საკრებულოს თავმჯდომარეობიდან არჩევიდან 3 კვირაში, 24 დეკემბერს გადადგა და თქვა რომ "ამოწურა თავის თავი". მაშინ ის მოქმედ მერთან ყველანაირ დაპირისპირებას უარყოფდა.
ადგილობრივების ინფორმაციით, დაპირისპირება აბაშის ცენტრში მოხდა. თავად მაკალათია და გაბლაია ამ ყველაფერს უარყოფენ.
ავტორი: ემა გოგოხია
