საქართველოში დემოკრატიის ინდექსი გაუარესდა - დასკვნას ავტორიტეტული უფლებადამცველი ორგანიზაცია ფრიდომ ჰაუსი აქვეყნებს.
ორგანიზაციის მონაცემით, გასულ წელს საქართველოს 100-დან 38 ქულა ჰქონდა, წელს კი ეს მაჩვენებელი 36-ს შეადგენს.
ამის გამო ფრიდომ ჰაუსი საქართველოს გარდამავალი ან ჰიბრიდული რეჟიმის კატეგორიას ანიჭებს.
ამავე ორგანიზაციის ანგარიშის მიხედვით, გაუარესებულია დამოუკიდებელი მედიის მაჩვენებელიც. ორგანიზაციის მონაცემების მიხედვით ქულა 3.75-დან 3.50-მდე დაეცა.