ხალხში არის განწყობა, რომ აიწიოს მძლავრი საპროტესტო ტალღა მიხეილ სააკაშვილის გასათავისუფლებლად და ცვლილებების დასაწყებად -ნაყოფია
გამოქვეყნდა:
ხალხში არის ასეთი განწყობა, რომ აიწიოს მძლავრი საპროტესტო ტალღა მომავალში მიხეილ სააკაშვილის გასათავისუფლებლად და ქვეყანაში ცვლილებების დასაწყებად - ამის შესახებ ფრაქცია "ენმ- ძალა ერთობაშიას" წევრმა, კობა ნაყოფიამ ისაუბრა.
კობა ნაყოფიამ თქვა, რომ ხალხს კარგად ესმის, რომ "ქართულმა ოცნებამ" არჩევნები მოიპარა და ისინი მესამე პრეზიდენტს გულშემატკივრობენ.
"ბოლო დღეების განმავლობაში სამეგრელოს რამდენიმე რაიონში ვიმყოფებოდი, შევხვდი ჩვენს აქტივს, მოსახლეობას. გავიარეთ საკრებულოს წევრებთან საკრებულოებში არსებულ მდგომარეობასთან დაკავშირებით, ვისაუბრეთ სამომავლო გეგმებზე. ხალხს კარგად ესმის, რომ ეს არჩევნები ქართულმა ოცნებამ მოიპარა, ხალხი გულშემატკივრობს საქართველოს მესამე პრეზიდენტს და ხალხში არის ასეთი განწყობა, რომ აიწიოს მძლავრი საპროტესტო ტალღა მომავალში მიხეილ სააკაშვილის გასათავისუფლებლად და ქვეყანაში ცვლილებების დასაწყებად",- ამბობს კობა ნაყოფია.
ცნობისთვის, "ნაციონალური მოძრაობა" რეგიონებში ხალხთან შესახვედრად ემზადება. ხვალ ყველაზე დიდი ოპოზიცური პარტიის პოლიტსაბჭოს სხდომა გაიმართება, რომელზეც სამოქმედო გეგმის დეტალებზე იმსჯელებენ.
იხილეთ ასევე:
