4500, 5000, 7000 ლარი - ეს თბილისის საკრებულოს თავმჯდომარის, მოადგილეებისა და კომისიების თავმჯდომარეების ყოველთვიური ხელფასია.
ანაზღაურების ზრდის შესახებ გადაწყვეტილება საკრებულომ სულ რამდენიმე კვირის წინ მიიღო და ეს გადაწყვეტილება საკრებულოს ყველა წევრს შეეხო. მატება ხშირ შემთხვევაში 1300-დან 2000-ს ლარამდე თანხით მოხდა.
ოპოზიცია გადაწყვეტილებას აპროტესტებს და მიიჩნევს, რომ მაღალჩინოსნების ანაზღაურების ზრდა, მაშინ როდესაც ხელისუფლება სოციალურად დაუცველებს დღეში 1 ლარისა და 30 თეთრის ულუფას სთავაზობს, მიუღებელია, მაგრამ სულ სხვაგვარად ფიქრობენ ქართული ოცნების მთავრობაში - მაგალითად ეკონომიკის მინისტრი საკრებულოს წევრების ნაყოფიერ შრომაზე საუბრობს.
ავტორი: ნინო გიგაური
