წალენჯიხის საკრებულოს თავმჯდომარედ პარტია "გახარია-საქართველოსთვის" წევრი აირჩიეს.
კორნელი სალიამ 14 ხმა მიიღო, რაც იმას ნიშნავს, რომ სალიას კანდიდატურას ყველა ოპოზიციონერმა დეპუტატმა დაუჭირა მხარი. ერთ ბიულეტენს კი ხელმოწერა აკლდა და ის ხმის დამთვლელმა კომისიამ ბათილად ჩათვალა.
სალია მეხუთე მცდელობაზე აირჩიეს. შესვენების შემდეგ სხდომას პროტესტის ნიშნად არ დაესწრნენ "ქართული ოცნების" დეპუტატები.
